ریاست مہاراشٹر کے اورنگ آباد میں کورونا وبا کے مریضوں میں مسلسل اضافہ ہو رہا ہے۔ گزشتہ 25 فروری کو ضلع سے کورونا کے 275 نئے مریض سامنے آئے تھے اس کے پیش نظر انتطامیہ کی جانب سے سخت اقدامات کیے جا رہے ہیں۔
اورنگ آباد میں انتظامیہ کی جانب سے رات 11 بجے سے صبح 6 بجے تک کرفیو نافذ کرنے کا احکام جاری کیا گیا ہے اور سرکاری دفتروں میں آنے والے سبھی افراد کا کورونا ٹیسٹ کرایا جارہا ہے تاکہ کورونا پر قابو پایا جاسکے۔
اورنگ آباد شہر کے سبھی اسکول کالج 28 فروری تک مکمل طور پر بند کردیئے گئے ہیں 28 فروری کے بعد سے کورونا کے صورتحال کو دیکھتے ہوئے اسکولز کالج کھولنے کا فیصلہ کیا جائے گا۔ شہر میں پانچ جگہ کورونا ٹیسٹنگ کیمپ لگائے گئے ہیں جو 24 گھنٹے کھلے رہیں گے۔
مزید پڑھیں:
مراٹھواڑہ میں کورونا کے 654 نئے کیسز، نو افراد ہلاک
اورنگ آباد میونسپل کارپوریشن کے کمشنر آستیک کمار پانڈے نے عوام سے اپیل کی ہے کہ وہ بڑھتے ہوئے کورونا معاملہ کے پیش نظر ماسک سینیٹائزر اور عوامی دوری کا خاص خیال رکھیں۔
گذشتہ ایک ہفتہ کے دوران اورنگ آباد میں ملے کورونا مریضوں کی تعداد مندرجہ ذیل ہیں۔
17 فروری کو 137
18 فروری کو 156
19 فروری کو 158
20 فروری کو 144
21 فروری کو 201
22 فروری کو 132
23 فروری کو 240
24 فروری کو 281
