علمائے کرام نے عالمی وبا کے تناظر میں رمضان کا پورا مہینہ کس طرح گزارا جائے اس کی باضابطہ گائیڈ لائن جاری کی ہے، اس سلسلے میں امارت شریعہ مراٹھواڑہ کی ایک میٹنگ ایک خانہ مسجد میں ہوئی اس میٹنگ میں علما کرام نے اتفاق رائے سے تمام عبادتیں اپنے ہی گھروں میں ادا کرنے کی ہدایت کی ہے ۔
رمضان المبارک میں غریبوں، مستحق افراد کا خصوصی خیال رکھنے اور سحر وافطار کی دعوتوں سے پرہیز کرنے اور چھتوں پر عبادات کا اہتمام نہ کرنے کی ہدایت کی گئی ہے ، اسی طرح جہاں تک ہوسکے خریداری کے معاملے میں بھی سماجی فاصلے کا خیال رکھنے پر زور دیا گیا، اورنگ آباد کےرکن پارلیمان امتیاز جلیل کا کہنا ہیکہ جلد ہی عارضی مارکیٹ اور ان کے اوقات کا اعلان کیا جائے گا ۔
وبا کے سبب گذشتہ ایک مہینے سے لاک ڈاؤن ہے ایسے میں اہل ثروت افراد کے بھی ہاتھ تنگ ہوگئے ہیں علما کا کہنا ہیکہ رمضان صبر کا مہینہ ہے اسے اللہ کا انعام سمجھا جائے کہ فاقہ کشی کے بجائے مسلمانوں کو روزوں کی نعمت سے نوازا جارہا ہے ہر دو صورت میں یہ کسی انعام سے کم نہیں ہے ۔
