جزوی لاک ڈاؤن پرعمل نہیں کیا گیا تومکمل لاک ڈاؤن لگا دیا جائے گا

مہاراشٹر کےوزیر صحت راجش ٹوپے نے کورونا وبا کو لیکر عوام سے احتیاط برتنے کی اپیل کی ہے۔ اِن کا کہنا ہے کہ لاک ڈاؤن پر سختی سے عمل نہیں کیا گیا تو پھر سے مکمل لاک ڈاؤن لگ سکتا ہے اور تیسری لہر کا مقابلہ کرنے کے لیے ریاست پوری طرح سے تیار ہے۔

مہاراشٹر کےوزیر صحت راجش ٹوپے کا کہنا ہیکہ ریاست میں جاری جزوی لاک ڈاؤن پر سختی سے عمل ہونا چاہئے اگر کورونا گائیڈ لائن پر سختی سے عمل نہیں کیا گیا تو اس کے خطرناک نتائج ہوسکتے ہیں ۔

ریاستی وزیر کے مطابق عوام میں لاپروائی کا مظاہرہ کیا جارہا ہے ۔

یہ اچھی علامت نہیں ہے ۔ تیسری لہر کا کامیابی سے مقابلہ کرنے کے لیے عوام کو ماسک اور سینی ٹائزر کے استعمال کو لازمی بنانا ہوگا۔

وزیر صحت نے اشارہ دیا کہ حالات میں مثبت تبدیلی نہیں آئی تو پھر سے مکمل لاک ڈاؤن نافذ کرنے کے لیے حکومت مجبور ہوجائے گی۔