اورنگ آباد کے ہڈکو کارنر میں واقع محمدیہ مسجد کے نوجوانوں نے شیواجی مہاراج کے یوم پیدائش کے موقع پر شربت بنا کر اپنے ہندو بھائیوں کو پلایا ۔
برادران وطن کا کہنا ہے کہ 'شیواجی مہاراج صرف ہندوؤں کے نہیں تھے بلکہ وہ ہر مذہب کے تھے۔ وہ ہر مذہب کے لوگوں کو ایک ساتھ لے کر چلتے تھے اور تمام مذاہب کا احترام کرتے تھے۔ اس طرح کے پروگرام سکھاتے ہیں کہ تمام مذاہب کے لوگوں کو ایک ساتھ رہنا چاہیے۔'
اس موقع پر کونسلر راجو وانکھیڑے نے کہا کہ یہاں کے لوگ ہر تہوار کو مل کر مناتے ہیں ، ڈاکٹر باباصاحب امبیڈکر کی یوم پیدائش، شیواجی مہاراج کی یوم پیدائش ہویا عید ملن کا پروگرام ، تمام لوگ مل کر تہوار مناتے ہیں۔
محمدیہ مسجد کے ذمہ داروں کا کہنا ہے کہ وہ شیواجی مہاراج اور ڈاکٹر باباصاحب امبیڈکر کی یوم پیدائش کے موقع پر مسجد کی جانب سے لوگوں میں شربت تقسیم کریں گے تاکہ ذات پات کی طاقت رکھنے والوں کو یہ پیغام بھیجا جاسکے کہ شیواجی مہاراج نہ صرف ہندوؤں کا ہے بلکہ مسلمانوں کا بھی ہے۔
