ایک طرف ملک کی مختلف ریاستوں میں آکسیجن اور ادویات کی قلت کی وجہ سے ہاہا کار مچا ہے تو دوسری طرف مہاراشٹر میں تیسری لہر کا مقابلہ کیسے کیا جائے اس کے لیے اقدامات کیے جا رہے ہیں۔
گنگا پور کے رکن اسمبلی پرشانت بمب نے اپنے حلقے میں تمام جدید سہولیات سے آراستہ 100 بیڈ کا اولین کووڈ اسپتال قائم کردیا۔
اس اسپتال میں 22 آئی سی یو، وینٹی لیٹر بیڈس اور 78 آکسیجن بیڈ ہیں۔ اس طرح 100 بستروں کا اسپتال قائم کیا گیا ہے۔
قابل ذکر بات یہ ہے کہ اس اسپتال میں علاج بلامعاوضہ ہوگا۔
حال ہی میں بی جے پی کے قومی صدر جے پی نڈا نے ہر ضلع سطح پر کووڈ اسپتال قائم کرنے کا اعلان کیا تھا۔ پرشانت بمب نے قومی صدر کے اعلان کو عملی جامہ پہنایا اور نہ صرف اسپتال قائم کیا بلکہ ایک آکسیجن پلانٹ بھی قائم کیا جو قدرتی گیس کو جذب کرکے اسپتال کی ضرورت پوری کرے گا۔
بی جے پی لیڈر ڈاکٹر بھاگوت کراڑ کا کہنا ہے کہ ریاست میں کورونا کے مریضوں کے علاج میں کوئی کسر چھوڑی نہیں جائے گی۔ اس پر نظر رکھنے کے لیے ایک ٹاسک فورس بنائی گئی ہے۔
مزید پڑھیں:
مہاراشٹر کا یوم تاسیس سادگی سے منایا جائے گا
اورنگ آباد میں پہلی مرتبہ ایسا ہوا کہ کسی سیاسی لیڈر کی پہل پر 100بیڈ کا اسپتال قائم ہوگیا۔ جہاں کسانوں، مزدوروں اور غریبوں کو مفت علاج ملے گا، لیکن کیا ہی اچھا ہوتا کہ اسی نوعیت کے اقدامات ملک بھر میں قبل از وقت کیے جاتے تو شاید منظر کچھ اور ہوتا۔
