مالیگاؤں رضا اکیڈمی کی جانب سے پی پی ای کٹ کی تقسیم

ریاست مہاراشٹر کے مسلم اکثریتی شہر مالیگاؤں میں کورونا وائرس کے مریضوں کی تعداد میں مسلسل اضافہ ہو رہا ہے. رضا اکیڈمی مالیگاؤں اور ہوپس انڈیا ممبئی کے اشتراک سے کورونا وائرس مریضوں کے انتقال کے بعد تدفین کرنے والے افراد کو پی پی ای کٹ مفت دی جائے گی۔

رضا اکیڈمی مالیگاؤں کے زمہ دار رضوی سلیم شہزاد نے بتایا کہ پی پی ای یعنی پرسنل پروٹیکٹیو ایکوپمنٹ کٹ کی قیمت بارہ سو روپیہ ہے لیکن ڈاکٹر حضرات اور طبی عملہ کو چھ سو روپیہ میں دی جائے گی. اس کے علاوہ اگر کسی فرد کا کورونا وائرس کے سبب انتقال ہو جاتا ہے تو اس کی تدفین کرنے والے افراد کو پی پی ای کٹ مفت میں دی جائے گی۔

حکومت ہند سے منظور شدہ پی ی پی ای کٹ میں سرجیکل ماسک, سرسے لیکرپیر تک لباس, ہاتھوں کیلئے دستانے اور پیروں کے لیے موزے شامل ہیں۔ مالیگاؤں میں رضا اکیڈمی کی آفس بمقام مچھلی بازار پر دستیاب ہیں۔اسطرح کی معلومات رضوی سلیم شہزادنے دی۔