ممبئی میں منشیات کے خلاف مہم میں کارروائی کے دوران نارکوٹکس کنٹرول بیورو نے کوڈین نام کی کف سیرپ کے ساتھ پانچ لوگوں کو گرفتار کیا ہے۔ یہ گرفتاری ممبئی کے متعدد علاقوں سے ہوئی ہے جس میں اس سیرپ کے ساتھ ساتھ دوسری نشہ آور اشیاء ضبط کی گئی ہیں۔
نارکوٹکس کنٹرول بیورو کے زونل ڈائریکٹر سمیر وانکھیڈے نے بتایا کہ ممبئی کے بائیکلہ علاقے سے بڑی مقدار میں اس سیرپ کے ساتھ ملزمین کو گرفتار کیا ہے۔
جانکاری میں واضح ہوا ہے کہ یہ سیرپ ان علاقوں میں بڑی آسانی سے دستیاب ہوتی ہیں۔
بتادیں گزشتہ ایک برس میں ہونے والی کارروائیوں میں جن ملزمین کے خلاف نارکوٹکس کنٹرول بیورو کے ذریعه کارروائی کی گئی ان میں مسلم ملزمین کی اکثریت ہے اسی لیے معاشرے کو نشہ سے آزاد کرانے کے لیے گاہے بگاہے مساجد اور کمیونٹی سینٹر میں اس کے خلاف مہم چلائی جارہی ہے تاکہ نوجوان نسل کو اس کی زد اور تباہی سے بچایا جائے۔
