مہاراشٹرا کے اورنگ آباد میں پلاسٹک کے دانوں کے گودام میں بھیانک آگ لگی جس میں لاکھوں روپے لاگت کا مال جل کر خاک ہو گیا۔
آتشزدگی میں کسی کا جانی نقصان نہیں ہوا۔ آگ لگنےکے بعد علاقے میں دہشت اور خواف وہراس کا ماحول پیدا ہوگیا۔
مالیگاؤں: پاورلوم مزدور نے پھانسی لگاکرخودکشی کی
اورنگ آباد کے آزاد چوک علاقے میں واقع پریم شاپنگ کمپلیکس کی ایک دکان میں آگ بھڑک اٹھی جس میں گودام میں رکھا سارا مال آگ کی زد میں آگیا۔ اس میں ایک موٹر سائیکل بھی جل گئی۔ گودام میں رکھے پلاسٹک کے دانے پوری طرح سے جل کر خاک ہوگئے۔
آگ اتنی بھیانک تھی کہ فائر بریگیڈ کے عملے کی تین گاڑیوں کو آگ بجھانے کے لیے بلایا گیا۔ کڑی مشقت کے بعد فائر بریگیڈ کے عملے نے آگ کو قابو میں کیا۔ اچھی بات یہ رہی کہ آگ میں کسی کا جانی نقصان نہیں ہوا۔ اس واقعےسے آزاد چوک علاقے میں آسمان میں کالا دھواں چھا گیا۔
