ممبئی کے عبدالرحمٰن اسٹریٹ میں آگ

عروس البلاد ممبئی کے عبدالرحمٰن اسٹریٹ میں اچانک آگ لگنے کا واقعہ پیش آیا۔ اے آر اسٹریٹ کا شمار ممبئی کے مصروف ترین علاقوں میں ہوتا ہے۔

آج صبح چار بجے اے آر اسٹریٹ میں آگ لگنے کے بعد فائر عملہ فورا جائے واردات میں پہنچ کر امدادی کاموں میں مصروف ہے۔

فائر عملے کے چیف پرابھاس رنگدانے نے میڈیا سے بات کرتے ہوئے کہا کہ تاحال کسی جانی نقصان کی اطلاع نہیں ہے۔

عمارت کی اوپری منزل میں پلاسٹک اور اسٹیشنری کی وجہ سے آگ بڑھتی ہی جارہی ہے۔

پرابھاس نے مزید بتایا کہ متاثرہ علاقے کے اطراف سے حفاظتی بندوبست کا معقول انتظام کیا گیا ہے۔

آگ سے حفاظت کے لیے اب تک 14 فائر انجن کا استعمال کیا گیا ہے۔