گزشتہ دنوں ممبئی میں دادا بھائی نوروجی روڈ پر واقع فٹ اوو بریج گرنے سے ہلاک شدگان کی تعداد میں اضافہ ہوا ہے۔ یہ تعداد بڑھ کر 6 ہوگئی ہے۔
پولیس نے مرمت میں لاپروائی برتنے والے میونسپل کارپوریشن اور سینٹرل ریلوے افسران کے خلاف ایف آئی آر درج کر لی ہے۔
فوٹ اوور بریج کے دوسرے حصہ کو منہدم کردیا گیا ہے اور سڑک پار کرنے کے لیے ڈیوائڈر کو بھی توڑ دیا گیا ہے۔
حادثہ میں دو خواتین سمیت چھ افراد ہلاک ہو گئے ہیں۔جن میں دونرسیں بھی شامل ہیں۔
مہاراشٹر کے وزیراعلیٰ دیویندر فڑنویس نے اس حادثہ کی جانچ کا حکم دیا ہے اور اعلی سطحی کمیٹی تشکیل دے دی گئی، جب کہ انہوں نے میونسپل کارپوریشن کے کمشنر اجے مہتا اور پولیس کمشنر سنجے بروے سے بات چیت کی۔
وزیراعلیٰ نے ہلاک شدگان کے اہل خانہ کو 5-5لاکھ لاکھ روپے اور زخمیوں کو 50۔50 ہزار روپے دینے اور طبّی خرچ مفت فراہم کرنے کی بات کہی ہے۔
جمعہ کی صبح فڑنویس نے قریبی سینٹ چارج اسپتال کا دورہ کیا اور زیر علاج زخمیوں کی عیادت کی اور یقین دلایا کہ لاپروائی برتنے والوں کے خلاف سخت کارروائی کی جائے گی۔
