ریاست مہاراشٹر کے ضلع اورنگ آباد میں سی اے اے، این آر سی اور این پی آر کے خلاف ایک طویل احتجاجی تحریک چلی تھی جو کورونا وائرس کی وجہ سے ختم ہوگئی تھی۔ لیکن اس تحریک سے جڑے نوجوانوں نے اورنگ آباد شہر میں شاہین کلب آف اورنگ آباد کا قیام کیا ہے، جو نوجوانوں میں بڑھ رہی برائیوں کا خاتمہ اور محلہ سطح پر اصلاح معاشرہ مقصد ہے۔
سی اے اے، این آر سی اور این پی آر کے خلاف ایک طویل احتجاجی تحریک چلانے کے بعد اب مہاراشٹر کے اورنگ آباد میں نوجوانوں نے شاہین کلب آف اورنگ آباد قائم کیا ہے۔ اس کلب کا مقصد سماجی برائیوں کا خاتمہ، اصلاح معاشرہ اور محلہ سطح پر لوگوں کے مسائل حل کرنا اور ایک بہتر معاشرے کی تشکیل میں نوجوانوں کو شامل کرنا ہے۔
کلب کے ممبران کا کہنا ہے کہ کہ سماج میں برائی کو برائی سمجھنے کا تصور ختم ہو چکا ہے، جس کے نتیجے میں نئی نسل بڑی تیزی سے برائی کی طرف راغب ہو رہی ہے۔
نوجوانوں کو اگر تعمیری کام میں بڑی تعداد میں مصروف کر دیا جائے تو بہت سارے مسائل حل ہو سکتے ہیں۔
