مہاراشٹر کے اورنگ آباد شہر میں کئی سارے این جی اوز نے مل کر ایک ایکشن کمیٹی بنائی، جس کا مقصد بارٹی، سارتھی کی طرز پر مہاراشٹر میں مسلمانوں کے لیے خود مختار ادارے کا قیام ہے۔مارٹی ایکشن کمیٹی میں ایک درجن سے زائد فلاحی تنظیموں کے نمائندے شامل ہیں۔
مہاراشٹر میں مسلمانوں کے لیے مولانا آزاد ریسرچ اینڈ ٹریننگ انسٹی ٹیوٹ نامی خود مختار ادارہ قائم کیا جائے تاکہ مسلم طلبا وطالبات اور ریسرچ اسکالرس کو تعلیمی مواقع مل سکے اور مسابقتی دوڑ میں وہ بھی شامل ہوسکیں۔ یہ مطالبہ مارٹی ایکشن کمیٹی نے کیا ہے۔
اورنگ آباد کی این جی اوز نے ایک پلیٹ فارم پر آکر یہ ایکشن کمیٹی بنائی ہے۔ کمیٹی کے ذمہ داروں کا کہنا ہیکہ دلت مراٹھا اور قبائلی طبقات کے لیے خود مختار ادارے قائم ہیں، لیکن اقلیتی طبقات خاص طور پر مسلمانوں کے لیے ایسا کوئی ادارہ نہیں ہے۔
ایکشن کمیٹی میں ایک درجن سے زائد فلاحی تنظیموں کے نمائندے شامل ہیں۔
