اسمبلی انتخابات کے پیش نظر ممبئی بی جے پی کے صدر منگت پربھات لوڈھا ممبا دیوی حلقہ اسمبلی میں شیوسینا کے امیدوار پانڈورنگ سکپال کی حمایت میں تشہیری مہم میں حصہ لیا اور عوام سے خطاب کیا تھا۔
لوڈھا نے ممبادیوی اسمبلی حلقے میں عوامی جلسے سے خطاب کے دوران کہا تھا کہ 'سنہ 1992 کے فسادات کے بعد شدت پسندانہ حملوں کے لیے جو بم اور گولیاں استعمال کی گئی تھیں وہ اقلیتی اکثریتی علاقوں میں بنائے گئے تھے۔'
انہوں نے ممبا دیوی حلقہ اسمبلی کے موجودہ ایم ایل اے اور کانگریس کے امیدوار امین پٹیل کو نشانہ بناتے ہوئے کہا تھا کہ' فسادات مین استعمال کی گئی گولیوں اور بم بنانے والوں کی ووٹ سے منتخب ہو کر اسمبلی پہنچنے والا شخص آپ کے لیے کیا کرے گا؟
الیکشن کمیشن نے ممبئی بی جے پی کے سربراہ منگل پربھات لوڈھا کو 'اشتعال انگیز' تقریر کرنے پر نوٹس جاری کیا ہے۔
الیکشن کمیشن نے لوڈھا سے جواب طلب کیا ہے اور انتخابی مہم کے دوران اس طرح کی تقریر کرنے کی وضاحت بھی طلب کی ہے۔
