مایا نگری ممبئی کو یہ شرف حاصل ہے کہ جس طرح سے سال نو کا جشن یہاں منایا جاتا ہے شاید ہی ملک کے کسی شہر میں اس طرح کا نئے سال کا جشن منایا جاتا ہو لیکن ملک میں چھائی معاشی بدحالی کے سبب 31 دسمبر کی رات کو منائے جانے والا یہ جشن ممبئی میں امسال پھیکا نظر آیا اور اس کے جشن کے دوران وہ رونقیں اور وہ سرگرمیاں نہیں دکھائی دیں جو گزشتہ کئی سالوں سے نئے سال کے استقبال کا حصہ ہوا کرتی تھی۔
معاشی بدحالی کا یہ عالم رہا کہ ممبئی میں جو کلب اور ہوٹلیں 31 دسمبر سے قبل نئے سال کے جشن کیلئے رقم مقرر کرتی تھی امسال اس میں تخفیف کر کے اسے نصف داموں پر لوگوں کو اپنی جانب متوجہ کرنے کی کوشش کی گئی لیکن اس کے باوجود بھی جشن پھیکا ہی رہا۔
ادھر وزیر اعلی ادھو ٹھاکرے نے عوام سے اپیل کی کہ پچھلے برس جو ہوا تھا اسے فراموش کر کے آنے والے سال میں مہاراشٹر کی ترقی کیلئے حکومت کا ساتھ دیں۔
