نئی دہلی: الیکشن کمیشن نے منگل کو ایکناتھ شندے کی قیادت والی بالا صاحبابنچی شیوسینا کو دو تلواریں اور ایک ڈھال کا نشان الاٹ کیا۔EC On Eknath Shinde
مہاراشٹر کے وزیر اعلیٰ ایکناتھ شندے کو بھیجے گئے ایک خط میں کمیشن نے کہا 'آپ کی درخواست پر غور کرنے کے بعد، آپ کے گروپ کو پہلے ہی پارٹی کا نام بالاصاحبانچی شیوسینا الاٹ کر دیا گیا تھا۔ اسی سلسلے میں آپ کی جماعت کو انتخابی نشان دو تلواریں اور ایک ڈھال الاٹ کیا گیا ہے۔ آپ کے تجویز کردہ نشان کمیشن کے ذریعہ نوٹی فائڈ آزاد نشان نہیں ہے۔
یہ اطلاع کمیشن کی طرف سے یہاں جاری ایک ریلیز میں دی گئی۔ واضح رہے کہ الیکشن کمیشن نے پیر کو ادھو ٹھاکرے کے گروپ کو ’شیو سینا-ادھو بال ٹھاکرے‘ نام کی پارٹی کے طور پر منظوری دی تھی۔ اس پارٹی کو مشعل کا نشان الاٹ کیا گیا تھا۔
یو این آئی
