ضلع اورنگ آباد کے پٹن تعلقہ میں درجنوں دیہات زیر آب ہو گئی ہیں، یہاں کے کھیتوں میں لگی کپاس، سویابین، مونگ اور گنے کی فصلیں برباد ہوگئی ہیں جس سے کسان پریشان حال ہیں۔
ریاست کے مراٹھواڑہ خطے میں ضرورت سے زیادہ بارش نے کسانوں کی کھڑی فصلوں کو دلدل میں تبدیل کردیا ہے، اورنگ آباد کے مضافاتی علاقے پٹن تعلقہ کے تقریباً بارہ گاؤں زیر آب ہوچکے ہیں۔
یہاں کے کھیتوں میں پانی داخل ہوجانے سے کپاس، سویابین اور مونگ کی فصلیں پوری طرح سے تباہ و برباد ہوچکی ہیں، کسانوں نے گیلے قحط کے اعلان کا مطالبہ کیا ہے۔
موسلادھار بارش سے تیار فصلوں کے کھیت دلدل میں تبدیل
کسانوں کا کہنا ہیکہ قرض لیکر جو فصلیں اگائی گئی تھی بارش کے سبب اب وہ پوری کی پوری بربار ہوچکی ہیں اب وہ کس طرح بینکوں کو اپنے قرض کی ادائیگی کریں گے، اس تعلق سے کسانوں نے وزیراعلی ادھو ٹھاکرے سے خصوصی توجہ دینے کی بھی اپیل کی ہے۔
