ٹھاکرے نے ٹویٹ کیا کہ 'جو ہوا ہے، وہ غیر انسانی ہے۔ میں نے اترپردیش کے وزیر اعلی یوگی آدتیہ ناتھ سے بات کی اور اس واقعہ پر افسوس اور تشویش کا اظہار کیا۔'
انہوں نے اس واقعہ کے ملزمین کے خلاف سخت کارروائی کرنے کی درخواست کرتے ہوئے کہا کہ 'قانون کے مطابق کارروائی کریں اور یہ بھی یقینی بنائیں کہ کوئی بھی اسے فرقہ وارانہ رنگ نہ دے۔'
دریں اثنا شیوسینا کے ترجمان اور راجیہ سبھا کے رکن سنجے راوت نے اس واقعہ کو ظالمانہ اور غیر انسانی قرار دیا۔
انہوں نے کہا کہ 'میں سب کی طرف سے درخواست کرتا ہوں کہ کوئی بھی اس واقعہ پر سیاست نہ کریں جیسا کہ مہاراشٹر کے پالگھر کے معاملے میں کیا گیا تھا۔ پورا ملک کورونا سے لڑ رہا ہے۔ برائے مہربانی پرسکون رہیں۔ یوگی آدتیہ ناتھ سخت کارروائی کریں گے۔'
