ممبئی کے ملاڈ مالونی گیٹ نمبر3 میں واقع منگل مورتی اسپتال کے قریب دکانوں کو پولیس نے بند کرنے کو کہا کہ حکومت کی گائیڈ لائن کے مطابق دکانیں، صبح 7 بجے سے 11 بجے تک ہی کھولی جاسکتی ہیں مگر وہاں موجود کچھ لوگ اورپولیس کے درمیان بحث ہوئی وہاں پر موجود انور شیخ نامی شخص نے اپنے ٹویٹر اکاؤنٹ کے ذریعے مختلف وزراء اور ذرائع ابلاغ کے نمائندوں کو ٹیگ کرتے ہوئے لکھا ہے کہ سرکار کو رمضان کا خیال رکھتے ہوئے کم از کم صبح سحری کے وقت دکانوں کو کھولنے کی اجازت دینی چاہیے رمضان المبارک کے ایام میں روزہ دار سحری کی چیزیں کب خریدے گا؟ آپ دکانیں بند کرنے کے اوقات میں تبدیلی کرتے ہوئے صبح 3 بجے سے 11 بجے تک کیا جائے۔
مالونی پولس اسٹیشن کے سینئر انسپکٹر بھالے راو کا کہنا ہے کہ عوام بہت ہی سمجھدار ہے اور مکمل طور پر قانون پیروی کر رہے ہیں۔
حکومت کی جانب سے جاری کردہ رہنمایانہ ہدایات کے مطابق میڈیکل اسٹورکو چھوڑ کر بقیہ دکانیں صبح 7 بجے سے صبح 11 بجے تک ہی کھلی رہیں گی۔ بقیہ دکانیں بند رہیں گی۔
دوسری جانب پھل فروش سرکار کی جانب سے جو ہدایات جاری کی گئی ہیں مجھے اس پر کچھ نہیں کہنا ہے مگر میں آپ لوگوں کے ذریعہ سرکار تک اپنی بات پہنچانا چاہتا ہوں کہ سرکار کو ہم جیسے چھوٹے دکانداروں کا خیال رکھیں۔ مسلمانوں کا رمضان کا مہینہ چل رہا ہے اس مہینے میں ہمیں کاروبار اچھا چلنے کی بہت امیدیں ہوتی ہیں۔ مگر سرکار نے جو صبح7 بجےسے 11 بجے دکانیں کھولنے کا حکم دیا ہے۔ اس دوران بہت کم لوگ ہی گھروں سے باہر نکلتے ہیں لہٰذا تھوڑا ٹائم ٹیبل میں اضافہ کیا جائے۔
مقامی مولانا نوشاد کا کہنا ہے کہ ریاست میں کورونا وبا کا قہر جاری ہے۔ اس سے انکار نہیں کیا جاسکتا مگرسوشل ڈسٹنسنگ کا خیال رکھتے ہوئے اور رمضان المبارک کےمقدس مہینے کو دیکھتے ہوئے شام میں5 بجے صبح 4 بجے تک دکانیں اگر کھلی رہیں گی تو روزے دار آسانی سے افطار کے سامان وغیرہ خرید سکتا ہے۔
