چار اگست تک مذہبی مقامات کو کھولنے کی اجازت نہیں دی گئی تو اگلے دن سے تمام عبادت گاہوں کو اپنے طور پر کھول دیا جائے گا اس طرح کا انتباہ مذہبی رہنماؤں کی طرف سے حکومت کو دیا گیا ۔
اس سلسلے میں لوک وکاس پریشد کے بینر تلے مذہب شخصیات کے ایک وفد نے اورنگ آباد ضلع کلکٹر کے توسط سے وزیراعلی کو ایک مکتوب روانہ کیا جس میں فوری تمام عبادت گاہوں کو کھولنے کا مطالبہ کیا گیا اس نمائندہ وفد میں ہندو مسلم سیکھ عیسائی اور بودھ سماج کے مذہبی رہنما شامل تھے۔
اورنگ آباد: تمام مذہبی رہنماؤں کا وزیراعلی سے مطالبہ
اورنگ آباد کے مذہبی رہنماؤں نے کہا ہے کہ اگر چار اگست تک عبادت گاہ نہیں کھلتی ہے تو پانچ اگست کو یہ لوگ عبادت گاہ کو کھول دیں گے ساتھ ہی ان لوگوں کا کہنا ہے کہ شہر پوری طرح کھل چکا ہے اور وہاں پر شراب مل رہی ہے لیکن لوگوں کو کھانے کی پریشانی ہو رہی ہے۔
