اس خصوصی نشست میں دارالحکومت دہلی سے تشریف لائے بھارت کے معروف بچوں کے ادیب سراج عظیم کا استقبال کیا گیا۔
صدر ادارہ نثری ادب محمد اسحاق خضر کی صدارت اور ناظم نسل نو رضوان ربانی کی نظامت میں پروگرام رات دیر گئے تک انہتائی کامیابی کے ساتھ چلتا رہا۔
اس موقع پر ادیب اطفال سراج نے اپنے تاثرات میں مالیگاؤں شہر کی ادبی خدمات کا اعتراف کیا اور قلم کاروں کی کاوشوں کو سراہا۔
انہوں نے بچوں کے ادب پر بہت سنجیدہ گفتگو بھی کی اور 'جشن بچپن' پروگرام کا اعلان کیا، جو عنقریب دبئی میں منعقد ہوگا۔ یہ ملک بھر اور خاص کر مالیگاؤں سے بھی فنکاروں کو مدعو کیا جائے گا۔
پروگرام کے اخیر میں سراج عظیم نے ای ٹی وی بھارت کو دئے گئے انٹرویو میں کہا کہ ادب کے لیے دہلی اور لکھنؤ کے بعد سرزمین مالیگاؤں زرخیز ہے۔
مالیگاؤں شہر سے مسلسل ادبی نشستوں اور تقاریب کے ذریعے اردو زبان و ادب کی ترویج و ترقی ہو رہی ہے۔
اس ادبی نشست میں افسانے، ڈرامہ، کہانی اور مضمون قلمکاران محفل عبدالمجید ماسٹر، ڈاکٹر اقبال برکی، عمران جمیل، سراج دلار اور اشفاق عمر نے پیش کیے۔
