مالیگاؤں میں تیز ہواؤں کے ساتھ بارش

ریاست مہاراشٹر کے شہر ممبئی میں آج نسرگ نامی طوفان کے آنے کا خدشہ ظاہر کیا گیا ہے اور اس کے اثرات بھی محسوس کیے جارہے ہیں۔ماہرین موسمیات اور مقامی محکمہ تحصیل سے ملی اطلاع کے مطابق آج رات 11 بجے کے قریب یہ طوفان مالیگاوں پر اثرانداز ہوسکتا ہے۔ شہر و اطراف میں صبح سے ہی بارش شروع ہوچکی ہے اور بادل چھائے ہوئے ہیں۔

جمعیت علماء مالیگاؤں سلیمانی چوک کی جانب سے شہریوں سے گذارش کی جارہی ہے کہ رات میں گھروں پر رہنے کو ترجیح دیں اور اپنے مال واسباب کی فکر کریں۔تیز ہواؤں اور بارش کی کثرت کی صورت میں احتیاطی تدابیر اختیار کریں.

محکمہ موسمیات کے مطابق نسرگ طوفان ممبئی سے گزرتے ہوئے ناسک سے لیکر اندور شہر تک سفر کرے گا. اس طوفان کی رفتار سو کلو میٹر کے قریب بتائی جارہی ہے. طوفان اپنے ساتھ تیز ہوا اور بارش لے کر آئیگا۔