ممبئی کے کئی مقامات پر اونچی اونچی دہی ہانڈیاں باندھی جاتی ہیں ۔اور اسے پھوڑنے کے لیے ہزاروں کی بھیڑ ہوتی ہے۔
دہی ہانڈی کورونا کے سبب نہیں منائی جائے گی
گھاٹ کوپر علاقے میں منعقد ہونے والی رام کدم کی دہی ہانڈی سے متعلق انہوں نے یہ فیصلہ کیا ہے کہ کورونا وباء کی وجہ سے بھیڑ نہ لگے اس لیے اس برس یہ منڈل دہی ہانڈی کا پروگرام نہیں کیا جائے گا۔
منڈل کے صدر رام کدم کا کہنا ہے کورونا وباء پر کنٹرول کرنے کے لیے بھیڑ سے گریز کرنا ہوگا ۔اس لیے منڈل نے یہ فیصلہ کیا ہے کہ اس بار دہی ہانڈی کا پروگرام نہیں منایا جائے گا۔
ہر سال ممبئی سمیت مہاراشٹر میں دہی ہانڈی کا تہوار بڑے زور شور سے منایا جاتا ہے ۔ہر جگہ لوگوں کی خاصی بھیڑ رہتی ہے ۔لیکن اس برس سوشل ڈسٹنسنگ کے قوانین کو جب سے حکومت نے نافذ کیا تو ایسے میں ہر تہوار کی طرح اسے بھی بند کرنا پڑا۔
