ریاست مہاراشٹر کے ضلع اورنگ آباد اب تک کورونا کے 26852 مریض سامنے آئے ہیں 769 کورونا مریضوں کی موت ہو چکی ہے 20454 صحتیاب ہوئے ہیں اور زیر علاج 5629 مریض ہیں۔
کورونا مریضوں کی تعداد میں اضافہ کا سلسلہ جاری ہے، اسی ضمن میں نو اگست کی رات کو ضلع انتظامیہ کی رپورٹ کے مطابق کورونا کے 387 نئے مریض سامنے آئے ہیں۔
ضلع اورنگ آباد میں کورونا مثبت مریضوں کی تعداد میں آئے دن اضافہ ہورہا ہے۔
ضلع میں کورونا مریضوں کی تعداد بڑھ کر 26852 ہوگئی ہے کورونا وائرس کے مریضوں کی بڑھتی ہوئی تعداد سے انتظامیہ پریشان ہے۔
ضلع میں 769 افراد کی کورونا سے موت واقع ہوئی ہے اور 20454 مریض صحتیاب ہو کر گھر جاچکے ہیں اور 5629 مریض ہسپتال میں زیر علاج ہے۔
کورونا کے مریضوں کو اورنگ آباد ضلع کے مختلف ہسپتالز میں علاج کے لیے رکھا گیا ہے مریضوں کی بڑھتی تعداد کو دیکھتے ہوئے پولیس انتظامیہ نے شہر میں جگہ جگہ چیک پوائنٹ لگائے ہیں تاکہ لوگ بے وجہ شہر میں نہ گھومیں۔
انتظامیہ نے عوام سے اپیل کی ہے کہ وہ اپنے گھروں میں رہیں اور ضرورت کے وقت ہی گھروں سے باہر نکلیں، سوشل ڈیسٹنسنگ اور منہ پر ماسک لگانے کے ساتھ ساتھ انتظامیہ کے ساتھ تعاون کریں۔
ضلع اورنگ آباد میں کئی جگہ ہاٹ سپاٹ زون بنائے گئے ہیں، تاہم کنٹنمنٹ زون کے لوگوں کو اپنے زون سے باہر نکلنے کی اجازت نہیں دی گئی ہے جن علاقوں میں مثبت مریض پائے جارہے ہیں ان علاقوں کو پوری طرح سیل کر دیا گیا ہے اور وہاں پر انتظامیہ کی جانب سے سینیٹازیشن کا کام جاری ہے۔
