ایک کمپیوٹر انسٹی ٹیوٹ ایسا بھی۔۔۔

کہتے ہیں انسان کو بات چیت کرنے کے لیے کسی بھی زبان کو سمجھنے کی ضرورت نہیں ہوتی اور اسی کہاوت کو حقیقت میں بدل کر اسے سچ ثابت کیا ہے ریاست مہاراشٹر کے شہر پونے میں واقع ایک ٹیکنیکل ٹریننگ انسٹی ٹیوٹ آف پونے نے جہاں قوت سماعت، قوت گویائی اور بینائی سے محروم طلبا کو کمپیوٹر کی تعلیم دی جاتی ہے۔

مہاراشٹر کا تعلیمی دارالحکومت کہلانے والے شہر پونے میں واقع ٹیکنیکل انسٹی ٹیوٹ آف بلائنڈ مینز میں نابینا، گونگے اور بہرے طلبہ و طالبات کے لیے مخصوص کلاس کے ذریعہ کمپیوٹر کی تعلیم دی جاتی ہے۔

ای ٹی وی بھارت کے نمائندے نے اس بات کا جائزہ لینے کی غرض سے پونے پہنچ کر اس کی تصدیق اور مزید معلومات حاصل کرنے کی کامیاب کوشش کی۔

ای ٹی وی بھارت کا نمائندہ جب مذلورہ ادارے میں پہنچا اور وہاں کا منظر دیکھا تو وہ دنگ رہ گئے۔

جب ہم ادارے کے داخلی دروازے سے اندر داخل ہوں گے تو وہاں لگی ہوئی فرش ابھری ہوئی تھیں جو شاید عام لوگوں کے لیے معمولی بات ہو لیکن یہ ابھری ہوئی فرشیاں نابینا افراد ک وان کے کلاس روم تک پہچنے میں مددگار ثابت ہوتی ہیں

نمائندہ جب کلاس روم میں داخل ہوا تو اس کی ملاقات ان طلبا کی ٹرینر سیما پلائے سے ہوئی جو بہرے اور گونگے بچوں کو کمپیوٹر کی تعلیم دے رہی تھیں

اس پروجیکٹ کی ذمہ دار اشونی وانی ای ٹی وی بھارت سے بات کرتے ہوئے کہا کہ 'ہمارا مقصد ہے کہ ہم ایسے بچوں کو کمپیوٹر کی تعلیم سے روشناس کراتے ہیں جو بینائی، سماعت اور قوت گویائی سے محروم ہیں، جبکہ اس انسٹی ٹیوٹ میں داخلے کے لیے گریجویشن تک کی تعلیم لازمی ہے۔

انہوں نے کہا کہ ہم تمام طلبا کو کمپیوٹر کی بنیادی تعلیم فراہم کرتے ہیں اور اس تعلیم کے بعد یہ نا صرف خود کفیل بنتے ہیں بلکہ بطور کمپیوٹر آپریٹر ملازمت بھی اختیار کر سکتے ہیں۔

ریاست مہاراشٹر میں اس انسٹی ٹیوٹ کے 4 مراکز قائم کئے گئے ہیں جبکہ پورے ملک میں اس کے 32 مراکز ہیں اور اس صدر دفتر ریاست تلنگانہ کے دارالحکومت حیدرآباد میں ہے۔