سوشل ڈسٹینسگ کی ہدایت دینے والے پولیس افسران کے ساتھ ہاتھا پائی

لاک ڈاؤن کے دوران جہاں کہیں بھی عوام سوشل ڈسٹینسنگ کے قوانین پر عمل کرتی نظر نہیں آرہی وہاں پولیس اس پر عمل کرانے کے لیے سختی برت رہی ہے لیکن اس درمیان پولیس اور عوام کے درمیان ہاتھا پائی ہونے کے بھی کئی واقعات پیش آئے ہیں۔

مہاراشٹر کے دارالحکومت ممبئی میں گزشتہ دو دنوں کی ویڈیو سوشل میڈیا پر جم کر وائرل ہو رہی ہے ایک ویڈیو ممبئی کے باندرہ علاقے کی ہے جبکہ دوسری کُرلا علاقے کی ہے۔

باندرا القبل بحرام پاڑہ میں جب سوشل ڈسٹینسنگ کے قوانین پر عمل کرانے کے لیے پولیس نے سختی کرنی چاہی تو ایک ملزم نے پولیس والوں کے ساتھ ہاتھا پائی کرنی شروع کر دی بعد میں کئی پولیس والوں نے مل کر اُس کی جم کر پٹائی کر دی اور اُس کے خلاف ممبئی کے نرمل نگر تھانے میں معاملہ درج کیا۔

جبکہ دوسرا جو ویڈیو وائرل ہوا اس میں كرلا علاقے میں چند لوگوں کو پولیس نے جب سوشل ڈسٹینسنگ پر عمل کرنے لیے کہا تو ملزم نے پولیس والوں کو جم کر گالیاں دیں اور ان پر ہاتھ بھی اٹھایا، اس ملزم کے خلاف بھی پولیس نے معاملہ درج کر لیا ہے۔