مہاراشٹر کے شہر بھیونڈی کے سائی ناتھ علاقے میں یہ واقعہ پیش آیا ہے جہاں ایک گروپ کے لوگوں نے دوسرے گروپ کے لوگوں پر تیزاب سے حملہ کردیا اور اس کے نتیجے میں سات افراد زخمی ہوگئے ہیں۔
اس واقعے کے بعد علاقے میں کشیدگی کا ماحول پیدا ہوگیا ہے۔ اطلاع ملتے ہی پولیس جائے واقعہ پہنچی اور صورت حال کو قابو میں کیا۔
دو گروپ میں تصادم
اس معاملے میں زخمی ہوئے لوگوں کو اندرا گاندھی سب ضلع اسپتال میں علاج کے لیے داخل کرادیا گیا ہے۔
دو گروپ کی اس لڑائی سے پولیس حرکت میں آگئی ہے جس کے بعد اس معاملے میں ملوث افراد کا پتہ لگایا جارہا ہے اور حملہ آوروں کی تلاش شروع کردی گئی ہے۔
حالانہ دو روز قبل دونوں گروپوں میں معمولی تنازعہ پیش آیا تھا اس تعلق سے جب دوسرا گروہ اس مسلئے پر بات چیت کرنے پہنچا تو ان پر تیزاب سے حملہ کردیا گیا۔
