ریاست مہاراشٹر کے شہر اورنگ آباد سے ایم آئی ایم کے رکن پارلیمان سید امتیاز جلیل نے مرکزی حکومت پر الزام عائد کیا ہے کہ حکومت اسکول کے بچوں کو اسکالرشپ سے محروم کرکے مسلمانوں کو تعلیم سے بھی محروم کرنا چاہتی ہے۔ انہوں نے وزیر اعظم کو ایک مکتوب بھی روانہ کیا ہے،اس مکتوب میں یہ درج ہے کہ پارلیمانی سیشن میں اسکالرشپ کے تعلق سے آواز اٹھائی جائے گی۔Imtiaz Jalil blames the central government
رکن پارلیمان نے کہا کہ مرکزی حکومت اقلیتوں خصوصاً مسلمانوں کو تعلیم سے محروم کردینا چاہتی ہے ، اس لیے مائناریٹی اسکالر شپ کو بند کرنے کا سرکیولر جاری کیا گیا۔ اس تعلق سے انھوں نے باضابطہ وزیراعظم کو مکتوب روانہ کیا ہے تاکہ پہلی سے آٹھویں جماعت کے طلبا کو اسکالر شپ مل سکے۔
رکن پارلیمان کا کہنا ہے کہ اگر مسلمان تعلیم میں پچھڑ گئے تو یہ ملک ترقی نہیں کرسکتا۔ واضح رہے پہلی سے آٹھویں جماعت کی اسکالر شپ کو مر کزی حکومت نے یہ کہہ کر منسوخ کردیا ہیکہ پہلی سے آٹھویں جماعت تک مفت میں تعلیم دی جارہی ہے، جبکہ تعلیمی ماہرین کا کہنا ہیکہ رائٹ ٹو ایجوکیشن کے زمرے سے اقلیتی اداروں کو پہلے ہی باہر کردیا گیا ہے ۔
مزید پڑھیں:AMIM PM Syed Imtiyaz Jaleel شکست کے خوف سے بی جے پی نے اندھیری سیٹ سے امیدوار ہٹانے کا فیصلہ کیا
