ممبئی: ممبئی میں اس بابت ریاست کی پہلی میٹنگ منعقد کی گئی جس میں ریاست کے وہ افراد موجود تھے جو وقف بورڈ اور وقف کی املاک میں ہونے والے مسائل کو لیکر لڑائی لڑ رہے ہیں۔ شبیر انصاری وقف بچاؤ تحریک کے صدر ہیں۔ 40 برس تک شبیر انصاری نے وقف املاک کی حفاظت کے لیے کئی مظاہرے کیے اور کئی بیداری مہم کا حصہ رہے۔ انصاری کہتے ہیں کہ ریاست مہارشٹر میں وقف کی املاک میں بڑے پیمانے پر بدعنوانی کی گئی ہے جس کی جانچ بے حد ضروری ہے۔ آپ کو بتا دیں کہ معاملہ وقف سے جڑا ہونے کے باوجود اس میٹنگ میں مہاراشٹر وقف بورڈ کے بیشتر افراد غیر حاضر رہے۔ حالانکہ اس میٹنگ میں آنے والے کارکنان نے وقف بورڈ کے ملازمین اور ممبران کے کام کاج کو لیکر الزامات عائد کیے۔
یہ بھی پڑھیں:
- Haj Pilgrims Troubles in Mumbai ممبئی میں عازمین حج کو پریشانیاں، ابو عاصم اعظمی نے لیا جائزہ
- Govandi Covid Graveyard گوونڈی میں ایک اور قبرستان کی ضرورت اور مطالبہ
سماجی کارکن محمود حکیمی نے کہا کہ اب وقت آگیا ہے کہ وقف مافیاؤں کو بے نقاب کیا جائے جنہوں نے وقف کی املاک پر غیر قانونی قبضہ کیا ہے۔ اس کے لیے حکومت کے ساتھ ساتھ ہمیں بھی بیدار ہونے کی ضرورت ہے۔ در اصل مرکزی وزیر اسمرتی ایرانی نے وقف کونسل کے ذریعے دہلی میں ایک میٹنگ طلب کی ہے۔ اس سلسلے میں آج ممبئی کے سہیادری گیسٹ ہاؤس میں اُن کے نمائندوں کے ساتھ میٹنگ ہوئی۔ اس میٹنگ میں دہلی کی اقلیتی وزارت کے نمائندے بھی شامل ہوئے۔ وقف سے متعلق تمام مسائل پر گفتگو کی گئی اور اس پر ٹھوس قدم اٹھانے کی بات کی گئی۔
