ریاست مہاراشٹر کے وزیر برائے ہاوسنگ وزیر جتیندر اوہاڑ کے اس بیان سے سیاسی حلقوں میں زبردست ہلچل پیدا ہوگئی ہے کہ آخر اوہاڑ نے اس طرح کا بیان کیوں کر جاری کیا۔ جب کہ اوہاڑ کے بیان سے قبل این سی پی یوتھ کے صدر کارپوریٹر شانو پٹھان نے بھی ایک پیغام چلا کر ممبرا میں شہریت ترمیمی قانون کے لیے جاری مہم پر نہ صرف تنقید کی بلکہ اس میں کچھ سیاسی لوگوں کے شامل ہونے سے اس تحریک کو نقصان پہنچنے کی بات کہی ہے۔
جس کے بعد اوہاڈ نے اپنا ویڈیو جاری کر کہا کہ 'جنہیں بھی ممبرا میں انتخاب لڑنا ہے شوق سے لڑیں، سیاست کریں، کارپوریٹر بنیں سب کو سیاست کرنے کی آزادی ہے لیکن اس آئین کی لڑائی کو ڈھال نہ بنایا جائے یہ ملک کے آئین کے لیے لڑی جانے والی لڑائی ہے۔
انہوں نے کہا مجھے افسو س ہے کہ کچھ لوگ اسے مسلمانوں کی لڑائی بتا کر اس میں سیاست کر کے اپنی سیاسی روٹی سیکنے کا کام کر رہے ہیں لیکن ہم اس لڑائی کو کمزور نہیں ہونے دیں گے۔
