حال ہی میں ہوئے لوک سبھا انتخابات کا حوالہ دیتے ہوئے انہوں نے کہا کہ لوک سبھا انتخابات میں خراب کارکردگی کے بعد کانگریس کو نشانہ بنایا جارہا تھا اور شدید نکتہ چینی بھی کی جارہی تھی ۔
انہوں نے کہا کہ میڈیا پولز کے مطابق کانگریس کو ایک کمزور پارٹی کے طور پر دکھایا جارہا تھا۔جبکہ ضمنی انتخابات کے نتائج اس بات کا ثبوت ہیں کہ کانگریس ایک مضبوط پارٹی ہے۔
انہوں نے کہا کہ 'ضمنی انتخابات کے نتائج سے اندازہ لگایا جاسکتا ہے کہ عوام کا رجحان کانگریس کی طرف ہے۔'
حزب اختلاف کی جماعت پر نکتہ چینی کرتے ہوئے انہوں نے کہا کہ 'بی جے پی شیوسینا پر منحصر ہے، شیوسینا کے بغیر بی جے پی نہ حکومت بنا سکتی ہے نہ ہی حکومت چلا سکتی ہے۔'
ایک سوال پر کے جواب میں انہوں نے کہا کہ 'بی جے پی ووٹ حاصل کرنے کے لیے جو قوم پرستی کا ایجنڈہ اپناتی ہے اس کا کوئی فائدہ نہیں ہے، ایجنڈہ مثبت مفہوم کے لیے ہوتا تو قابل قبول ہوتا۔'
