مہاراشٹر کے دارالحکومت ممبئی سے متصل ممبئی ناسک شاہراہ پر واقع مانکولی فلائی اوور پر ایک تیز رفتار کار میں اچانک آتشزدگی کا حادثہ پیش آیا مگر ڈرائیور کی حاضر دماغی کی وجہ سے ایک بڑا حادثہ ٹل گیا.
پولیس ذرائع کے مطابق الہاس نگر کے تاجر دنیش اپنے دوستوں کے ساتھ ممبئی سے واپس لوٹ رہے تھے کار ممبئی ناسک شاہراہ کے مانکولی فلائی اوور بریج پر ہی پہنچی تھی کہ کار سے دھواں اٹھنے لگا یہ دیکھ فوراً کار ڈرائیو کررہے دنیش نے کار کو بریج کر ہی کنارے لگاتے ہوئے کار میں سوار چاروں افراد کو باہر نکالا اور اسکے کچھ ہی وقفہ میں کار آگ کے شعلوں میں تبدیل ہوگئی آتشزدگی کی وجوہات کار میں شارٹ سرکٹ ہونا بتایا جارہا ہے. اس حادثہ کی اطلاع پاتے ہی نارپولی پولیس کی ٹیم نے جائے حادثہ پر پہنچ کر درہم برہم ٹریفک کے نظام اور ہونے والے حادثہ کہ تفصیلات کی بنیاد پر معاملہ درج کر تفتیش شروع کردی ہے۔
