اترپردیش کے ضلع غازی آباد کے ایک 16 سالہ لڑکے نے باندرہ پولیس کو ایک ای۔میل کے ذریعے دھمکی دی ہے کہ ممبئی کے علاقے باندرہ میں واقع اداکار سلمان خان کے گھر گیلیکسی اپارٹمنٹ پر ایک بم دھماکہ ہونے والا ہے، اگر اسے روک سکیں تو روک لیں۔
اطلاع ملتے ہی فوری طور پر پولیس کمیشنر ڈاکٹر منوج کمار اپنے ساتھی اہلکاروں کے ساتھ سلمان خان کے گھر پہنچے اور بم کو ناکارہ بنانے والے دستہ نے پورے گھر کی چھان بین کی۔
ان سب کے دوران سلمان اپنے گھر پر موجود نہیں تھے، تب پولیس نے ان کے والدین اور ان کی بہن ارپیتا کو پہلے گھر سے بحفاظت نکالا اس کے بعد پورے گھر کی تلاشی لی گئی لیکن وہاں کچھ بھی نہیں ملا۔
