ریاست مہاراشٹر کے ضلع اورنگ آباد سے آل انڈیا مجلس اتحاد المسلمین کے رکن پارلیمان سید امتیاز جلیل کا کہنا ہے کہ بی جے پی انتقامی سیاست کے لیے مرکزی ایجنسیوں کا استعمال کر رہی ہے جو ملک کے مفاد میں نہیں ہیں اور ساتھ ہی بی جے پی اپنے مفاد کے لیے ملک کی سیکولر تانے بانے کو داؤ پر لگا رہی ہے۔
بی جے پی مرکزی ایجنسیوں کا استعمال اپنے ذاتی مفاد کے لیے کر رہی ہے۔ ممبئی میں شیو سینا رکن اسمبلی کے گھر پر انفورسمنٹ ڈائریکٹوریٹ کا چھاپہ اس کی عملی مثال ہے۔
یہ بھی پڑھیں: شہید ہیمنت کرکرے کو خراج عقیدت علامتی پروگرام
ایم آئی ایم کے رکن پارلیمان سید امتیاز جلیل نے یہ الزام عائد کیا ہے کہ شیو سینا رکن اسمبلی کو اس لیے نشانہ بنایا گیا ہے کیونکہ انھوں نے ایک اداکارہ کے خلاف آواز اٹھائی تھی۔
امتیاز جلیل کے مطابق حکومت کا یہ رویہ کسی بھی لحاظ سے ملک کے حق میں نہیں ہے۔
