بی جے پی کےسینئر رہنما سدھیر منگٹی وار نے کہا کہ 'بی جے پی کا ایک وفد ریاستی یونٹ کے صدر چندرکانت پاٹل کی سربراہی میں گورنر بھگت سنگھ کوشیاری سے ملاقات کرے گا۔
منگٹی وار نے یہ بھی بتایا کہ پارٹی نے نئے ریاستی یونٹ صدر منتخب کرنے کے لیے ایک طریقہ شروع کرنے کا فیصلہ کیا ہے۔
منگٹی وار نے کہا ، نئے ریاستی بی جے پی صدر کے انتخاب کا طریقہ کار 31 دسمبر تک مکمل کرلیا جائے گا۔
ذرائع نے بتایا کہ حکومت سازی سے متعلق بی جے پی- شیوسینا کے تعطل کا ایک حل متوقع ہے اور سبکدوش ہونے والی اسمبلی کی میعاد ختم ہونے سے پہلے ہی نئی منتقلی عمل میں سکتی ہے۔
واضح رہے کہ گذشتہ روز نیشنل کانگریس پارٹی کے سربراہ شرد پوار نے پریس کانفرنس کرکے اعلان کیا تھا کہ وہ ریاست میں قائم ہونے والی حکومت میں وہ شامل نہیں ہوں گے اور حزب اختلاف کا بہتررول ادا کریں گے۔ جس کے بعد سیاسی پنڈتوں نے مہاراشٹر میں جاری سیاسی بحران کو ختم ہونے کا اندازہ لگایا ہے۔
