بالی وڈ میں منشیات پر اسمبلی میں بحث کا مطالبہ

فلم اداکار سُشانت سنگھ کی مبینہ خود کشی سے قبل نشہ آور اشیاء کا استعمال کرنے اور بالی وڈ میں نشہ آور اشیا کے استعمال سے متعلق خبر کے بعد بھارتیہ جنتا پارٹی (بی جے پی) کے رکن اسمبلی رام کدم نے بدھ کے روز مطالبہ کرتے ہوئے کہا کہ اس سلسلے میں مہاراشٹر اسمبلی کی آئندہ سیشن میں بحث ہونی چاہیے۔

وزیراعلیٰ ادھو ٹھاکرے کو خط لکھ کر کہا کہ نشہ آور اشیاء اور ہندی فلم صنعت سے متعلق وسیع پیمانے پر گفتگو ہو رہی ہے۔ انہوں نے فلم صنعت میں چلنے والی مبینہ بالی وڈ نشہ اشیاء استعمال کے سلسلے میں تحقیقات کے لیے مسٹر ٹھاکرے سے گذارش کی اور کہا کہ وہ سُشانت سنگھ راجپوت میں نشہ آور اشیاء کے استعمال اور اس سے منسلک افراد کے بارے میں تفتیش ہونی چاہیے۔