رام کدم پالگھر ماب لنچنگ کی سی بی آئی جانچ کا مطالبہ کر رہے ہیں۔
بی جے پی کے رکن اسمبلی اپنے ہاتھوں پر کالی پٹی باندھ کر احتجاج درج کرنے کے لیے ممبئی میں واقع اپنے گھر کھار نواس سے پالگھر کے لیے روانہ ہو رہے تھے، تبھی ممبئی پولیس نے انہیں حراست میں لے لیا۔
واضح رہے کہ رام کدم آج پالگھر میں سادھوؤں کے قتل کی مخالفت میں جن آکروش یاترا نکالنے والے تھے۔ ان کے گھر کے باہر پولیس اہلکاروں کو تعینات کیا گیا ہے۔
رکن اسمبلی رام کدم کے مطابق مہینوں گزر جانے کے باوجود اب تک سادھوؤں کے قتل کا انصاف نہیں ہوا ہے اور انہوں نے سی بی آئی سے جانچ کرانے کا مطالبہ بھی کیا ہے۔
