بی جےپی مرکزی الیکشن کمیٹی کی میٹنگ میں امیدواروں کے ناموں کو حتمی شکل دی گئی۔ بی جے پی کے صدر امت شاہ نے میٹنگ کی صدارت کی۔
میٹنگ میں وزیراعظم نریندرمودی، وزیردفاع راج ناتھ سنگھ، وزیر ٹرانسپورٹ نتن گڈکری اور پارٹی کے کارگزار صدر جے پی نڈا نے حصہ لیا۔
بی جےپی کے جنرل سکریٹری ارون سنگھ نے منگل کو پریس کانفرنس میں بتایا کہ پارٹی کی مہاراشٹر اکائی کے صدر چندرکانت دادا پاٹل تھروڈ سیٹ پر امیدوار ہوں گے۔
پارٹی نے 12حالیہ ارکان اسمبلی کا ٹکٹ کاٹ دیا ہے جبکہ 12خواتین کو بھی امیدوار بنایا گیا ہے۔
پارٹی نے شیواجی اور تلک کی اولادوں کو بھی امیدوار بنایا ہے۔
ستارا لوک سبھا ضمنی انتخابات کےلئے بی جےپی نے شیواجی کی اولاد ادین راجے بھوسلے کو امیدوار بنایا ہے۔مسٹر سنگھ نے کہا کہ مہاراشٹر میں بی جےپی چار پارٹیوں کے ساتھ مل کر الیکشن لڑ رہی ہے اور دعوی کیا کہ الیکشن میں وہ تین چوتھائی اکثریت سے جیتے گی اور ریاست میں پھر سے حکومت بنائے گی۔
