اطلاعات کے مطابق ممبئی سے متصل پاورلوم صنعتی شہر کے معروف ادارے انصاری صافیہ گرلز ہائی اسکول کی پانچویں منزل سے دسویں جماعت میں زیرِ تعلیم مبشرہ بانو بنت نورالدین شیخ نامی طالبہ نے کود کر خودکشی کر لی۔
طالبہ کی خودکشی
بتایا جا رہا ہے کہ مبشرہ بانو کا دسویں جماعت کا ٹیسٹ چل رہا تھا۔ ٹیسٹ ختم ہونے کے بعد اس نے پانچویں منزل پر پہنچ کر چھلانگ لگا دی۔
اس واقعے کے بعد دیگر طلبا میں ڈر اور خوف کا ماحول ہے اور اس حادثے کے بعد کئی طلبا بے ہوش ہو گئے تھے۔
اس خبر کو سنتے ہی اسکول انتظامیہ نے طالبہ کو مقامی ہسپتال منتقل کیا لیکن ڈاکڑز نے انہیں مزید علاج کے لیے ممبئی کے سائن ہسپتال میں منتقل کرایا جہاں علاج کے دوران اس کی موت ہو گئی۔
اس واقعے کی اطلاع موصول ہونے کے بعد بھیونڈی پولیس کے افسران بھی اسکول پہنچے اور وہ اس معاملے کی تفتیش کر رہے ہیں۔
