کو لیکر نافذ کیے گئے ملک گیر لاک ڈاون کے سبب بھیونڈی کے تمام پاورلوم کارخانے بند ہے اور اب یومیہ اجرت پر کام کرنے والے پاورلوم مزدور نقل مکانی کر اپنے آبائی وطن لوٹ رہے ہیں۔
لاک ڈاون کے سبب بند پاور لوم کارخانوں کو شروع کرنے کے لیے مہاراشٹر سماج وادی پارٹی صدر ابو عاصم اعظمی اور بھیونڈی کے رکن اسمبلی رئیس شیخ نے نائب وزیر اعلیٰ اجیت پوار سے ملاقات کی۔
دونوں رہنماؤں نے نائب وزیر اعلیٰ سے بھیونڈی کے زمینی حقائق اور پاورلوم مالکان و مزدوروں کے بدترین صورت حال سے واقف کراتے ہوئے صنعتی شہر میں پاورلوم کو شروع کرنے کی جانب عملی اقدامات کی درخواست کی۔
مزید یہ کہ دونوں رہنماؤں نے پاور لوم مالکان کی دگرگوں صورت حال کے پیش نظر صنعتی اور رہائشی بجلی بلوں کو مکمل طور پر معاف کرنےکا بھی مطالبہ کیا۔
رئیس شیخ نے مکتوب کے ذریعہ اجیت پوار کو بتایا کہ بھیونڈی میں پاور لوم مالکان اور مزدوروں کے حالات انتہائی خراب ہے، مالکان لاکھوں روپوں کی سرمایہ کاری کے بعد بھی بھوکمری کے دہانے پر کھڑے ہیں اور مزدوروں کی نقل مکانی مسلسل جاری ہے اس لیے حکومت، بھیونڈی کو تھانہ کے ساتھ موازنہ نہ کرتے ہوئے اسے ریڈ زون سے علیحدہ کرکے یہاں پاور لوم اور اس سے منسلک چھوٹے چھوٹے کاروبار کو شروع کرنے کی اجازت دی جائے۔
واضح رہے کہ کووڈ-19 کے سبب لاک ڈاؤن نافذ ہونے سے کارخانے مکمل طور پر بند ہیں اور ان مشکلات میں بھی پاور لوم مالکان اہل خانہ کی کفالت مشکل سے کرپارہے ہیں۔
پاور لوم مالکان اور عام شہریوں کی معاشی پریشانیوں کو دیکھتے ہوئے بھیونڈی کے سبھی رہائشی اور کمرشیل بجلی بلوں کو مکمل طور پر معاف کرنے کا مطالبہ کیا گیا ہے۔
