مہاراشٹر کے دارالحکومت ممبئی سے متصل پاورلوم صنعتی شہر بھیونڈی نظام پور میونسپل کارپوریشن کے میونسپل کمشنر کے خالی عہدے پر ریاستی حکومت نے نئے کمشنر کی تقرری کردیا ہے۔ گزشتہ ڈیڑھ ماہ سے میونسپل کمشنر کے عہدے کو لے کر ہورہی تمام طرح کی قیاس آرائی پر پوری طرح روک لگ گئی ہے۔
ریاست کے شہری ترقیات کے آسسٹنٹ سکریٹری ایس ایس گوکھلے نے جمعے کے روز ایک حکم نامہ جاری کر بھیونڈی میونسپل کارپوریشن کے کمشنر کے عہدے کا اضافی چارج سنبھالے۔ ایڈیشنل کمشنر اشوک کمار رنکھامب کو ہٹا کر پمپری چنچوڑ کے اسسٹنٹ میونسپل کمشنر پروین اشٹیکر کو بھیونڈی میونسپل کارپوریشن کا کمشنر مقرر کیا ہے۔
اس اچانک تقریری کو لیکر میونسپل کارپوریشن میں طرح طرح کی باتیں گردش کررہی ہیں۔ پروین اسٹیکر پمپری چنچوڑ سے قبل کولہاپور میں بطور اسسٹنٹ کمشنر تعینات تھے. بھیونڈی کے میونسپل کمشنر منوہر ہیرے کے گزشتہ 30 جون کو سبکدوش ہونے کے بعد اس عہدے کا اضافی چارج ایڈیشنل کمشنر اشوک کمار رنکھامب کو دیا گیا تھا ۔
اس بات کی امید کی جارہی تھی کہ اشوک کمار رنکھامب اکتوبر ماہ کے اخیر میں ہونے والی اپنی سبکدوشی تک کمشنر کا بھی اضافی چارج سنبھالتے رہیں گے مگر لگنے والی تمام قیاس آریاں غلط ثابت ہوئیں اور ریاستی حکومت نے بطور میونسپل کمشنر پروین اسٹیکر کی تقرری کا حکم جاری کیا ہے۔
