ایوت محل میں پرتشدد مظاہرے، پولیس نے کیا لاٹھی چارج

مہاراشٹر میں آج بہوجن کرانتی مورچہ کی جانب سے بھارت بند کا اعلان کیا گیا تھا اور اس بند کو متعدد سماجی و مذہبی تنظیموں کی حمایت حاصل تھی۔

لیکن ایوت محل میں میں بھارت بند کے دوران ہونے والے مظاہرے میں مظاہرین اور پولیس آمنے سامنے ہوگئے اور یہ مظاہرہ پر تشدد ہوگیا جس کے بعد پولیس نے مظاہرین پر جم کر لاٹھی چارج کیا۔

اطلاع کے مطابق بند کے دوران مظاہرین بازار میں کھلی چند دکانوں کی بند کرانے کی کوشش کررہے تھے تبھی کسی دوکاندار نے مظاہرین پت مرچ پاؤڈر پھینک دیا جس کے بعد کچھ دیر کے لیے ماحول کشیدہ ہوگیا اور شہر کے مارواڑی چوک پر مظاہرین نے مبینہ طور دکان کا سامان تباہ کرنے کی کوشش کی تھی۔

واضح رہے کہ شہریت ترمیمی قانون کے خلاف ملک گیر پمانے پر احتجاج کیا جارہا ہے۔ اور اسی بنأ پر ریاست میں بہوجن کرانتی مورچہ نے بند کی کال دی تھی۔