ممبئی: ممبئی میں برہن ممبئی الیکٹریسٹی اور ٹرانسپورٹ ( بیسٹ ) نے رات کی بس سروس بند کرنے کا فیصلہ لیا ہے۔ اب رات دیر گئے 12 بجے سے صبح 4 بجے تک سروس نہیں کرے گا جس سے ہزاروں مسافروں کو دشواری پیش آئے گی۔ بوریولی ایک بیسٹ اہلکار نے دعویٰ کیا کہ برہن ممبئی الیکٹرک سپلائی اینڈ ٹرانسپورٹ انڈرٹیکنگ (ببیسٹ) نے پچھلی چند سروسز کو روک دیا ہے جو رات کے اوقات میں 12 بجے سے صبح 4 بجے تک چل رہی تھیں۔ یہ فیصلہ ان گھنٹوں میں سواری نہ ہونے کی وجہ سے کیا گیا۔ بیسٹ کے مطابق وہ دھاراوی، ماہم، قلابہ، بیک بے، بوریولی جیسے ڈپووں سے بسیں چلا رہے تھے۔ یہ بسیں متیشوری پرائیویٹ آپریٹر کے ذریعے چلائی جا رہی تھیں۔ ان ڈپو سے بسیں پہلے مل کارکنوں کی خدمت کے لیے چلائی جاتی تھیں تاہم، چونکہ ممبئی میں ملیں بند ہیں اس لیے شاید ہی کوئی مسافر ان خدمات کا استعمال کر رہا تھا۔
تاہم، بوریولی کے ایک مسافرنے کہا کہ جب بھی اس کے پاس دیر رات کے دفتر میں کام ہوتا ہے تو وہ رات کے وقت بیسٹ بسوں کا استعمال کرتے ہیں۔ "بیسٹ ٹرانسپورٹ کے سب سے سستے طریقوں میں سے ایک ہے اور رات کے اوقات میں ٹریفک نہ ہونے کی وجہ سے بس استعمال کرتے ہیں ۔ بس کا کم سے کم کرایہ صرف پانچ روپیے ہے۔ یہ شہریوں کی پہلی پسند ہے، ٹرین کے برعکس اگھر جلدی پہنچ سکتے ہیں۔ راست گھر تک جاتی ہے جبکہ۔ٹرین میں سفر کے بعد اسٹیشن سے گھر تک دوبارہ بس یا آٹو رکشہ کا سہارا لینا پڑتا ہے۔ یہ بدقسمتی کی بات ہے کہ انہوں نے سروس بند کر دی ہے۔‘‘
یہ بھی پڑھیں: Siliguri To Dhaka Bus Services سلی گوڑی اور ڈھاکہ کے درمیان بس خدمات شروع کرنے کا منصوبہ
یواین آئی
