اورنگ آباد: سی اے اے کے خلاف انوکھا احتجاج

ملک بھر میں شاہین باغ آباد ہوگئے ہیں جہاں خواتین سی اے اے اور این آر سی کے خلاف مسلسل احتجاج کررہی ہیں۔ اسی دوران اورنگ آباد میں ایک شخص، خود کو زنجیروں میں جکڑ کر احتجاج کر رہا ہے۔

ریاست مہاراشٹر کے ضلع اورنگ آباد میں ایک رکشا ڈرائیور خود کو زنجیروں میں جکڑ کر انوکھا احتجاج کررہا ہے۔

سی اے اے کے خلاف یہ احتجاج ڈویژنل کمشنر آفس کے سامنے جاری ہے۔

آٹو رکشا چلاکر گزر بسر کرنے والے شیخ چاند نے کہا کہ وہ پچھلے 40 دنوں سے اس طرح کا احتجاج کر رہے اور جب تک حکومت متنازع شہریت ترمیمی قانون واپس نہیں لیتی تب تک وہ اپنا احتجاج جاری رکھیں گے۔