مہاراشٹر کے ضلع اورنگ آباد کے گنگا پور پولیس کو اطلاع ملی تھی کہ اورنگ آباد پونے ہائی وے پر واقع بھنڈارا گاؤں میں چوری کرنے کے لیے چور آنے والے ہیں۔
جس کے بعد گنگاپور پولیس نے اپنی کاروائی کرتے ہوئے دیر رات دو موٹر سائیکلوں پر سوار پانچ چوروں میں سے ایک چور کو پکڑ لیا۔
چوروں نے پولیس پر کیا پتھراؤ
اپنے ساتھی چور کو آزاد کرنے کے لیے چوروں نے پولیس پر پتھراؤ کرنا شروع کردیا جس کے جواب میں پولیس انسپکٹر نے اپنی سروس ریوالور سے دو راؤنڈ ہوائی فائرنگ کی جس کے بعد چار چور موقع واردات سے فرار ہوگئے۔
فی الحال گنگاپور پولیس نے ایک چور کو اپنی تحویل میں لیا ہے اور اس کے پاس سے چوری کی دو موٹر سائیکلیں اور ایک تیز دھار ہتھیار کے ساتھ متعدد چوری کرنے کے سامان بھی برآمد کیے ہیں۔
