اورنگ آباد: چند روز قبل منی پور میں قبائلی لڑکیوں کی بر ہنہ پریڈ کا شرمناک واقعہ پیش آیا۔ اس واقعہ نے پورے ملک کا سر شرم سے جھکا دیا ہے۔ جب کہ واقعہ کے خلاف ملک بھر میں احتجاج اور بیانات کا سلسلہ جاری ہے۔ اسی ضمن میں جماعت اسلامی ہند اورنگ آباد کی حلقہ خواتین کے ایک وفد نے علاقائی انتظامیہ سے ملاقات کی اور وزیر اعظم کے نام ایک مطالباتی مکتوب پیش کیا اور کہا کہ منی پور میں قبائلی لڑکیوں کو برہنہ کر کے ان کا جلوس نکالنے اور ان کے ساتھ گینگ ریپ کے معاملہ میں حلقہ خواتین جماعت اسلامی ہند اورنگ آباد شدید مذمت کرتی ہے۔
یہ بھی پڑھیں:
اس موقع پر انہوں نے سخت برہمی اور ناراضگی کا اظہار بھی کیا۔ وفد نے اورنگ آباد ڈیویژنل کمشنر کے ذریعے حکومت ہند کو ایک مکتوب کے ذریعے مطالبہ کیا اس معاملہ میں ملوث تمام خاطیوں پر فوری کاروئی کی جائے اور انھیں اس مذموم حرکت پر سخت سے سخت سزا دی جائے۔ میمورنڈم دینے کے بعد صحافیوں سے بات کرتے ہوئے حلقہ خواتین جماعت اسلامی ہند اورنگ آباد نے کہا کہ یہ واقعہ ناقابل بیان اور ملک کو شرمسار کر دینے والا ہے۔ انھوں نے مزید کہا کہ اس واقعہ کو کئی دن سے زیادہ کا وقفہ گزر چکا ہے۔ ویڈیو وائرل ہونے کے بعد یہ واقعہ منظر عام پر آگیا۔ اس سے اندازہ لگایا جاسکتا ہے کہ منی پور میں خواتین کس صورت حال سے گزر رہی ہیں۔
یہ بھی پڑھیں:
- Manipur Video کرگل میں ملک کو بچایا، بیوی کی عزت نہیں بچا سکا، برہنہ پریڈ کی متاثرہ خاتون کے شوہر کا بیان
- Manipur Violence Issue منی پور تشدد کے خلاف عام آدمی پارٹی کا بھوپال میں احتجاج، صدر راج کا مطالبہ
انہوں نے کہا کہ حکومت کو چاہیے کہ وہ جلد سے جلد منی پور میں امن وانصاف کی بحالی کے لیے عملی اقدامات کرے اور سماج بھی اپنا جائزہ لے کہ ہم کس طرف جار ہے ہیں۔ ساتھ ہی ان خواتین کا کہنا ہے کہ اس واقعہ نے ہر کسی کے ضمیر کو جھنجھوڑ کر رکھ دیا ہے اور اس طرح کے واقعہ کی وجہ سے ملک میں خواتین کے تحفظ کو لے کر بھی شدید تشویش پیدا ہوئی ہے۔ جماعت اسلامی ہند کی خواتین ونگ نے مرکزی حکومت سے مطالبہ کیا کہ منی پور کیس کے ملزمان کو فوری گرفتار کر کے ان کے خلاف قانونی کارروائی کی جائے اور ملزمان کو سخت سزائیں دی جائیں۔
