اورنگ آباد:ریاست مہاراشٹر کے اورنگ آباد میں واقع کٹ کٹ گیٹ علاقے پر واقع 22 ایکڑ 22 گنٹھ اراضی کو دشمن کی ملکیت قرار دے دیا گیا۔علاقے کے لوگوں کو اپنے اپنے گھروں کو خالی کرنے کی ہدایت دی گئی ہے۔انتظامیہ کی جانب سے نوٹس ملنے کے بعد مقامی باشندوں میں بے چینی پائی جا رہی ہے۔لوگوں میں غم و غوصہ بھی جا ریا ہے۔ اورنگ آباد سے مجلس اتحاد المسلمین کے رکن پارلیمان امتیاز جلیل نے بابر کالونی میں متاثرہ ساکنان سے ملاقات کی اور اس کے بارے میں تفصیلی معلومات حاصل کی۔ رکن پارلیمان امتیاز جلیل کا کہنا ہے کہ میں آپ کا بیٹا اور بھائی ہوں۔ میں یہ سن کر پریشان ہوں لیکن کسی کو ڈرنے کی ضرورت نہیں ہے کیونکہ کسی کے ساتھ ناانصافی ہونے نہیں دیں گے۔
انہوں نے لوگوں سے وعدہ کیا کہ وہ خود کلکٹر اور متعلقہ اداروں سے ملاقات کریں گے تاکہ معاملے کی جانکاری پوری طرح سے مل سکے۔ ان کا کہنا ہے کہ کٹ کٹ گیٹ علاقے میں رہنے والے شہری گزشتہ 50 سال سے یہاں گھر بنا رہے ہیں۔ ان کے پاس ضلع انتظامیہ کی جانب سے جاری این او سی، رجسٹری، پی آر کارڈ، ٹیکس کی ادا ئیکی کے مختلف دستاویزات بھی ہیں۔ حکومت نے اچانک ان لوگوں کے مالکانہ حق چھیننے کی کوشش کی۔ ایک طرف مرکزی حکومت پردھان منتری آواس یوجنا کے ذریعہ مکان فراہم کرنے کی اسکیم کو نافذ کرتی ہے۔ دوسری جانب قانونی طور پر کٹ کٹ گیٹ میں مقیم لوگوں کے مکانات کو گرانے کے لئے نوٹس بھیجا جاتا ہے۔چند لوگ غریب لوگوں کے ساتھ سیاست کرنے پر آمادہ ہیں۔
یہ بھی پڑھیں:Congress Protest رسوئی گیس کی قیمتوں میں اضافہ کے خلاف کانگریس کا احتجاج
منصوبے بنائے جارہے ہیں یہ ہرگس برداشت نہیں کیا جائے گا ہم عدالتی اور راستے کی لڑائی لڑیں گے لیکن کسی کو بے گھر نہیں ہونے دیں گے اس طرح کی یقین دہانی روکن پارلمان سید امتیاز جلیل نے کی ہے ساتھ ہی روکن پارلمان نے میٹنگ میں یقین ظاہر کیا کہ وہ مرکزی وزیر داخلہ امت شاہ سے ملاقات کریں گے اور انصاف دلانے کی کوشش کریں گے اس دوران علاقہ کے ساکنان بڑی تعداد میں موجود تھے۔
