مہاراشٹرا کے اورنگ آباد موکندواڑی پولیس نے لوٹ مار میں ملوث ایک ملزم کو گرفتار کیا تھا ۔جس کے بعد اسے عدالت میں پیش کرنے کے لئے لے جایا جا رہا تھا کہ شاطر ملزم نے ہتھکڑی کے سبب ہاتھ میں شدید تکلیف کا بہانہ بنایا ۔
فرار ملزم دوبارہ گرفتار
اس کے بعد پولیس اہلکار نے ملزم کے ہاتھ کی ہتھکڑیاں کھول کر دوسرے ہاتھ میں باندھنے کی کوشش کی ۔ملزم نے پولیس کو چکما دے کر فلمی انداز میں جیپ سے کود کر فرار ہوگیا ۔
ملزم کا نام امر گائیکواڈ بتایا جا رہا ہے۔
اس ملزم کو منماڑ ریلوے اسٹیشن سے جی آر پی پولیس نے دھر دبوچا مگر یہاں بھی پولیس ملازمین کی گرفت سے خود کو چھڑانے کی ملزم نے خوب کوشش کی ۔لیکن جی آر پی کے جوانوں نے اُس کی اس کوشش کو ناکام بنا دیا
