ریاست مہاراشٹر کے ممبئی سمیت پورے ملک کے مسلمانوں میں نماز کو لیکر تشویش پائی جا رہی ہے، کیونکہ نماز کو لیکر لوگ جمع نہ ہوں جس سے کرونا وائرس کا پھیلنے کا اندیشہ ہوتا ہے۔ اسی لیے ممبئی پولیس کی اپیل کے بعد اب لوگ جمعہ کی نماز کی جگہ اپنے اپنے گھروں میں ہی ظہر کی نماز ادا کریں گے۔
وہیں لاک ڈاؤن نافذ کیے جانے کے بعد ممبئی کے کئی علاقوں میں عوام کا ہجوم دیکھا گیا ہے۔
سابق رکن اسمبلی بشیر موسی پٹیل نے ممبئی کے ان علاقوں میں جہاں مسمانوں کی تعداد ذیادہ ہے ان سے اپیل کی ہے کہ 'سبھی لوگ احتیاط اور صبر سے کام لیں۔ خاص کر حکومت اور پولیس کی ہدایتوں کو نظر انداز نہ کریں'۔
ممبئی میں کئی علاقوں میں مقامی لوگوں نے مزدور طبقہ، فٹ پاتھ اور جھگی جھوپڈیوں میں رہنے والوں کے لیے کھانے پینے کا انتظام کیا ہے۔ لوگوں کی بھیڑ نہ ہو اس کے لیے پولیس نے خاص ہدایتیں بھی دی ہیں۔
