ریاست مہاراشٹر کے ضلع پونے کے منشیات مخالف اسکواڈ کو اطلاع ملی تھی کہ شیلپمپل گاؤں میں چاکن شکار پور روڈ پر دشمیش ڈھابا کے قریب چند افراد منشیات فروخت کرنے کی غرض سے آنے والے ہیں۔
تب ہی اسکواڈ نے جال بچھایا اور انھیں رنگے ہاتھوں گرفتار کرلیا۔ ملزمین کے قبضے سے ایک کار اور 20 کلو منشیات ضبط کی گئی ہے، منشیات کی کل قیمت تقریباً 20 کروڑ بتائی جارہی ہے۔
گرفتار کیے گئے ملزمین کے نام اس طرح ہیں۔ چیتن ڈندوتے (28)، آنندگِر گوساوی (25)، اکشے کالے (25)، سنجیوکمار راؤت (44) اور توصیف حسن (31) ہیں۔
ملک بھر میں منشیات مافیاؤں کے خلاف کارروائیاں تیزی سے انجام دی جارہی ہیں لیکن منشیات کا بین الاقوامی سلسلہ اب دیہی علاقوں میں بھی پھیل رہا ہے۔
پولیس کو شبہ ہے کہ نوئیڈا سے تعلق رکھنے والے دو افراد اور تین مقامی نوجوان بھی اس بین الاقوامی گروہ کا حصہ ہیں۔
