نئی دہلی: نیشنلسٹ کانگریس پارٹی (این سی پی) کے سربراہ شرد پوار کو ایک اور جھٹکا لگا ہے۔ ناگالینڈ میں این سی پی کے سبھی 7 اراکین اسمبلی نے پارٹی کے اجیت پوار گروپ کو حمایت کے خط بھیجے ہیں۔ این سی پی ناگالینڈ کے صدر وانتھونگو اوڈوو نے تصدیق کی ہے کہ شمال مشرقی ریاست کے تمام ساتوں این سی پی ایم ایل اے مہاراشٹر کے نائب وزیر اعلیٰ اجیت پوار کے حق میں ہیں۔ وانتھونگو اوڈوو نے کہا کہ 'انہوں نے حمایت کے تمام کاغذات جمعرات کی صبح ہائی کمان کے حوالے کر دیے ہیں۔ اس مہینے کے شروع میں این سی پی کے اجیت پوار نے این سی پی کے 8 ایم ایل ایز کے ساتھ بی جے پی شیو سینا کے ساتھ ہاتھ ملایا تھا۔
یہ بھی پڑھیں: Maharashtra Political Crisis بی جے پی سے ہاتھ ملانے کے بعد اجیت پوار اور شرد پوار کی تیسری ملاقات
اجیت پوار کی سیاسی چالوں نے ان کے چچا شرد پوار کی قائم کردہ پارٹی کو تقسیم کر دیا اور 2024 کے لوک سبھا انتخابات سے قبل مہاراشٹر میں سیاسی مساوات کو تبدیل کر دیا۔ اجیت پوار نے پرفل پٹیل، چھگن بھجبل اور دلیپ ولسے پاٹل جیسے این سی پی رہنماؤں کی حمایت حاصل کی ہے اور اپنے گروپ کو حقیقی این سی پی کا دعویٰ کیا ہے۔ ساتھ ہی شرد پوار نے بھی کئی لیڈروں کو نکال کر خود کو پارٹی کا سربراہ ہونے کا دعویٰ کیا ہے۔ اجیت پوار کا یہ اقدام اسی طرح ہے جیسے ایکناتھ شندے نے گزشتہ سال شیوسینا کو الگ کر دیا تھا اور بی جے پی کے ساتھ ہاتھ ملا لیا تھا۔
